mncollab дээрх тоо бүр хаанаас ирдэг, юуг шууд хэмжиж, юуг тооцоолдгоо энд ил тод тайлбарлав. Бид таамаг тоог хэмжсэн тоо мэт харуулахгүй байх зарчим баримталдаг.
Шууд хэмжсэн: дагагчийн тоо, үзэлт, лайк, сэтгэгдэл, бичлэгийн огноо — API-аас ирсэн чигээрээ, өөрчлөлтгүй.
Тооцсон (томьёо нь ил):
Хэмжсэн ★ чанарын үнэлгээнээс тусдаа, нэвтэрсэн хэрэглэгчид бүтээгчийг 1–10 онооны хуваарьт (★ индекстэй ижил хуваарь) үнэлж болно. Энэ нь субъектив санал бөгөөд хэмжсэн индекс болон зэрэглэлд хэзээ ч холилдохгүй. Шударга байлгахын тулд Bayesian жигнэсэн дундажийг (IMDb-гийн ашигладаг арга) харуулна: (v·R + m·C) ÷ (v + m), энд v нь тухайн бүтээгчийн саналын тоо, R түүний дундаж, C бүх бүтээгчийн нийт дундаж (санал алга бол саармаг 5.5), m итгэлцлийн босго (8). Цөөн саналтай бүтээгчийн оноо нийт дундаж руу татагддаг тул нэг «10» өгснөөр оноо шууд 10.0 болохгүй — хангалттай санал цугарах тусам л тогтоно. Зөвхөн Google-ээр нэвтэрсэн хэрэглэгч, бүтээгч бүрт нэг санал өгч чадах ба үнэлсэн хүний тоо үргэлж ил харагдана.
Өсөлтийн хувийг бодит хэмжилтийн цонхоор нь тэмдэглэдэг: 7 хоногийн хэмжилт цуглараагүй сувагт өсөлтийг огт харуулахгүй («—»), 7–30 хоногийн хооронд бол «N хоногт» гэж яг хэмжсэн хоногийг нь бичнэ. 1-2 хоногийн өөрчлөлтийг «30 хоногийн өсөлт» мэт харуулдаггүй.
YouTube нийтэд харуулдаг дагагчийн тоог 3 оронгоор тоймлодог (жишээ нь 1,312,456 → 1,310,000). Тиймээс том сувгуудын өсөлтийн график шаталсан хэлбэртэй харагдаж болно — энэ нь бидний биш, YouTube-ийн нийтийн датаны онцлог. Бүтээгч акаунтаа холбосон үед эзний датанаас илүү нарийвчлалтай тоо ирдэг.
Буруу тоо, андуурсан ангилал анзаарвал info@mncollab.com хаягаар мэдэгдээрэй — шалгаад засна. Мөн Нууцлалын бодлого-г үзнэ үү.